احتساب قوانین کو بہتر بنانے کے لیے کمیٹی کی تشکیل

صوبۂ خیبرپختونخوا میں تحریک انصاف کی صوبائی حکومت نے صوبے کی سطح پر احتساب کے نظام کو بہتر بنانے کے لیے ایک پارلیمانی کمیٹی تشکیل دی ہے جو احتساب کے موجودہ ادارے کو جدید خطوط پر استوار کرنے کے لیے اپنی سفارشات مرتب کرے گی۔

سرکاری خبررساں ادارے اے پی پی کے مطابق یہ پارلیمانی کمیٹی انسداد بدعنوانی کے ادارے کے کردار، ذمہ داریوں، اختیارات اور دائر کار کا تعین کرے گی۔
صوبائی حکومت کی طرف سے جاری کردہ ایک نوٹیفیکیشن میں کہا گیا ہے کہ اس کمیٹی کی سربراہی سینیئر وزیر برائے آبپاشی سکندر خان شیرپاؤ کریں گے جبکہ وزیر قانون امتیاز شاہد قریشی، وزیر برائے صحت عامہ شاہ فرمان، پارلیمانی سیکریٹری برائے اینٹی کرپشن ڈاکٹر حیدر علی خان اور مختلف محکموں کے سیکریٹری شامل ہوں گے۔
اس کمیٹی کے ضابط کار میں کرپش کی روک تھام کے لیے سنہ 1947 کے قانون کو جدید خطوط پر مرتب کرنا، خیبر پختونخوا مغربی پاکستان اینٹی کرپشن اسٹیبلشمنٹ آرڈننس مجریہ 1961 کا موجودہ قانون سے تقابل کرنا اور دوسرے صوبوں میں موجودہ اس قسم کے قوانین کا مطالعہ کر کے اپنی سفارشات مرتب کرنا شامل ہے۔

Image copyright AFP

یاد رہے کہ چند ماہ قبل احتساب کے ادارے کے سربراہ نے صوبائی حکومت سے اختلاف کے بعد اپنے عہدے سے استعفیٰ دے دیا تھا جس کے بعد سے تحریک انصاف کی حکومت کو حزب مخالف کی جماعتوں کی طرف سے شدید تنقید کا نشانہ بنایا جاتا رہا ہے۔
یہ کمیٹی قومی احتساب بیورو کی طرح رضا کارانہ طور پر کرپشن سے حاصل کی گئی رقم کی واپسی یا ’پلی بارگین‘ کے طریقہ کار کا بھی جائزہ لے گی اور احتساب کے صوبائی ادارے کے کردار کو واضح کرے گی۔
کمیٹی اپنی ٹھوس تجاویز میں حراست اور گرفتار کرنے کے اختیار، جائیداد اور اثاثوں کو ضبط کرنے کا بھی تعین کرے گی۔
انسداد بدعنوانی کے ادارے کی خود مختاری اور کام کرنے کی آزادی کو یقینی بنانے کے لیے مالی وسائل فراہم کرنے اور انتظامیہ کی مداخلت سے دور رکھنے کے لیے بھی تجاویز دے گی۔
کمیٹی ضلعی سطح پر بھی پانچ یا چھ ارکان پر مشتمل نگران کمیٹیاں تشکیل دے گی جن میں متعلقہ اداروں کے ضلعی افسران شامل ہوں گے تاکہ انسداد بدعنوانی کے ادارے اور ضلعی اداروں میں رابطہ رہے۔ یہ کمیٹی پولیس کے نظام میں پبلک سیفٹی کمیشن کی طرز پر شکایتوں کے ازالے کے لیے بھی نظام واضح کرے گی۔

قومی ٹیم کے ہیڈ کوچ کا اعلان 2 روز میں کردیا جائے گا، چیرمین پی سی بی

ٹی ٹوئنٹی ورلڈکپ میں قومی ٹیم کی شکست کی بڑی وجہ فٹنس مسائل تھے، شہریار خان ، فوٹو؛ فائل

لاہور: چیرمین پی سی بی شہریار خان کا کہنا ہے کہ قومی ٹیم کے ہیڈ کوچ کا اعلان 2 روز میں کردیا جائے گا جب کہ ٹی ٹوئنٹی ورلڈکپ میں ہماری شکست کی بڑی وجہ فٹنس مسائل تھے۔
لاہور میں میڈیا سے بات کرتے ہوئے چیرمین پی سی بی شہریار خان کا کہنا تھا کہ ایک بڑا کھلاڑی اپنی غلطی تسلیم کرلے تو اسے معاف کردینا چاہیے، یونس خان نے اپنی غلطی پر معافی مانگی اس لئے انھیں معاف کردیا۔ انہوں نے کہا کہ قومی ٹیم کے ہیڈ کوچ کے لیے تمام امیدواروں کے نام بورڈ میٹنگ کے سامنے رکھے جائیں گے جب کہ ہیڈ کوچ کا اعلان 2 روز میں کردیا جائے گا۔
شہریار خان کا کہنا تھا کہ فیلڈنگ اور فٹنس تمام کھلاڑیوں کے لیے ضروری ہے، ٹی ٹوئنٹی ورلڈکپ میں شکست کی بڑی وجہ فٹنس مسائل ہی تھے اس لئے ایبٹ آباد میں فٹنس بہتر بنانے کے لیے کیمپ لگا رہے ہیں، اس کے علاوہ 16 ریجنزمیں اسکولوں کی سطح پرٹورنامنٹ بھی کرائیں گے۔ انہوں نے کہا کہ محمد عامر، سلمان بٹ، محمدآصف کے لندن ویزے میں رکاوٹیں ہیں جب کہ ویسٹ انڈیز نے پاکستان کی ایک ڈے اینڈ نائٹ ٹیسٹ میچ کی تجویز مان لی ہے۔ پاکستان سپر لیگ میں 6 ٹیمیں ہو جائیں تو کوئی ہرج نہیں۔

ایکسپریس میڈیا گروپ کے تعاون سے ریلیز ہونے والی فلم ’’باغی‘‘ نے دھوم مچا دی

فلم میں نوجوان اداکار ٹائیگر شروف اور شردھا کپورنے مرکزی کردار ادا کیا ہے، فوٹو: فلم تشہیری پوسٹر ۔

 کراچی: پاکستان کے سب سے بڑے ایکسپریس میڈیا گروپ کے اشتراک سے بالی ووڈ کے اسٹار ٹائیگر شروف اور خوبرو اداکار شردھا کپور کی ایکشن اور رومانس سے بھرپور فلم’’باغی‘‘ ملک بھر کے سنیما گھروں میں ریلیز کردی گئی ہے جس نے شائقین کے دل موہ لیے۔
ایکسپریس میڈیا گروپ کے اشتراک سے بالی ووڈ کی ایکشن تھرل اور رومانوی فلم ’’باغی‘‘آج ملک بھر کے سنیما گھروں میں ریلیز کردی گئی ہے جس نے پہلے روز ہی دھوم مچادی ہے۔ فلم میں منفرد مارشل آرٹ اور ایکشن سین کے باعث شائقین سنیما گھروں کا رخ کرنے پر مجبور ہوگئے ہیں جب کہ فلم ریلیز کے پہلے روز ہی شائقین کی توجہ حاصل کرنے میں کامیاب ہوگئی ہے جس کے باعث فلم کے ہاؤس فل شوز جاری ہیں۔
فلمی پنڈتوں نے ریلیز سے قبل ہی فلم کو سپر ہٹ قرار دیا تھا اور فلم کے 100 کروڑ کلب میں شامل ہونے کی پیش گوئی کی تھی تاہم اب فلم بینوں نے بھی فلم میں دونوں اداکاروں کی اداکاری کو سراہتے ہوئے باکس آفس پر کامیابی  کو یقینی قرار دیا ہے ، فلم میں نوجوان اداکار ٹائیگر شروف اوراداکارہ شردھا کپورنے مرکزی کردار ادا کیا ہے۔

ہیما مالنی کی مبارکباد دپیکا پڈوکون کے لیے درد سربن گی

ڈریم گرل نے سماجی رابطے کی ویب سائٹ ٹوئٹر پر اپنی مداح دپیکا کو منگنی کی مبارکباد دی۔ فوٹو؛ فائل

ممبئی: بالی ووڈ کی ڈریم گرل اور لیجنڈری اداکارہ ہیمامالنی کو اپنی مداح کو منگنی کی مبارک باد دینا اداکارہ دپیکا پڈوکون کے لیے درد سر بن گیا۔
دنیا میں ملتے جلتے ناموں سے بعض اوقات ایسی صورتحال پیدا ہوجاتی ہے جو کسی کو بھی پریشانی میں مبتلا کرسکتی ہے اور ایسا ہی کچھ ہوا بالی ووڈ کی صف اول کی اداکارہ دپیکا پڈوکون کے ساتھ جنہیں اپنے نام کی وجہ سے ذہنی اذیت کا سامنا کرنا پڑا۔

Deepika, All good wishes on ur engagement! Pray God both of u have a bright future, happiness & joy in ur life together

— Hema Malini (@dreamgirlhema) April 28, 2016

بالی ووڈ کی لیجنڈری اداکارہ ہیما مالنی نے سماجی رابطے کی ویب سائٹ ٹوئٹر پر اپنی دپیکا نامی مداح کو منگنی کی مبارکباد دی پھر کیا تھا کہ اداکارہ دپیکا پڈوکون کی منگنی کی خبر پھیل گئی اور ان کو منگنی کی مبارکباد دینے والوں کا تانتا بندھ گیا اور طرح طرح کے مبارکباد اور تہنیتی پیغامات کا سلسلہ شروع ہوگیا لیکن اسی دوران اداکارہ ہیما مالنی کو اپنی غلطی کا احساس ہوگیا اور انہوں نے ایک اور ٹوئٹ کرکے اداکارہ دپیکا پڈوکون کی شادی کی خبروں کی تردید کرتے ہوئے دپیکا نامی اپنی مداح کی منگنی کی تصدیق کی۔

No no! This is Deepika who is following me on Twitter! Not Ms Padukone!

— Hema Malini (@dreamgirlhema) April 28, 2016

واضح رہے کہ اداکارہ دپیکا پڈوکون ہالی ووڈ فلم کی شوٹنگ کے لیے امریکا میں موجود ہیں۔

بلوچستان: سابق فٹ بال کھلاڑی فائرنگ سے ہلاک

پاکستان کے صوبہ بلوچستان کے ضلع خاران میں فائرنگ کے ایک واقعے میں فٹ بال کا ایک سابق کھلاڑی اورکوچ ہلاک ہوگئے ہیں جبکہ صوبے کے ساحلی ضلع گوادر سے اغوا ہونے والے دو مزدوروں کا تاحال سراغ نہیں لگایا جاسکا۔

خاران میں مارے جانے والے سابق کوچ کی شناخت نذر بلوچ کے نام سے ہوئی ہے۔
وہ نا صرف ماضی میں فٹ بال کے معروف کھلاڑی رہے ہیں بلکہ کوچنگ سے بھی منسلک رہے ہیں اور وہ کوچ نذر کے نام سے مشہور تھے۔
خاران میں پولیس کے ایک سینیئر افسر نے بتایا کہ جس وقت ان کو نشانہ بنایا گیا اس وقت وہ شہر میں ایک مکان بنانے میں مصروف تھے۔
پولیس افسر کے مطابق حملہ آوروں نے انھیں سر میں گولی ماری جس کے نتیجے میں وہ موقع پر ہی ہلاک ہوگئے۔
اس سلسلے میں مقدمہ درج کر کے تحقیقات شروع کر دی گئی ہیں لیکن ابتدائی معلومات کے حوالے سے پولیس افسر نے بتایا کہ یہ ٹارگٹ کلنگ کا واقعہ ہے۔
ساحلی ضلع گوادر کے علاقے اورماڑہ سے گزشتہ شب اغوا ہونے والے دو مزدوروں کا تاحال سراغ نہیں لگایا جا سکا۔
اورماڑہ میں لیویز فورس کے ایک اہلکار نے بتایا کہ اس علاقے میں آٹھ مزدور آپٹک فائبر بچھانے کا کام کر رہے تھے کہ نامعلوم مسلح افراد تمام مزدوروں کو اغوا کیا۔
تاہم بعد میں ان میں سے چھ کو چھوڑ دیا گیا جبکہ دو کو اغوا کار نامعلوم مقام کی جانب لے گئے۔
لیویز فورس کے اہلکار کا کہنا تھا کہ اغوا ہونے والوں مزدوروں میں سے ایک کا تعلق کراچی جبکہ دوسرے کا تعلق بلوچستان کے ضلع خضدار سے ہے۔
گوادر اور اس سے متصل ضلع کیچ میں پہلے بھی مزدوروں کے اغوا کے واقعات پیش آتے رہے ہیں۔

فلم "مالک" کی پابندی پروفاقی حکومت کو نوٹس جاری

حکومتی فیصلہ لاہور ہائیکورٹ کے بعد سندھ ہائی کورٹ میں بھی چیلنج کردیا گیا ہے۔۔ فوٹو:فائل

 لاہور: فلم “مالک” پر پابندی کے خلاف دائر درخواست پر سماعت کے بعد عدالت نے وفاق کو نوٹس جاری کردیا۔ 
ایکسپریس نیوزکے مطابق پاکستانی فلم “مالک” پرپابندی کے خلاف شہری کی جانب سے دائردرخواست پر لاہور ہائیکورٹ کے جسٹس شمس محمود مرزا نے درخواست کی سماعت کی ۔ درخواست گزارنے موقف اختیار کیا کہ فلم مالک کرپشن کے خلاف سبق آموز ہے، وزارت اطلاعات کی جانب سے پابندی کا نوٹی فکیشن غیرقانونی ہے جس کے بعد عدالت نے وفاقی حکومت کوجواب داخل کرنے کے لیے نوٹس جاری کردیا۔
دوسری جانب فلم “مالک” کے ڈائریکٹراوررائٹرعاشرعظیم نے حکومتی پابندی کا فیصلہ سندھ ہائی کورٹ میں چیلنج کردیا جس میں ان انہوں نے موقف اختیار کیا  کہ فلم پر پابندی غیرقانونی ہے کیونکہ فلم میں قومی مفاد کے خلاف کچھ نہیں جب کہ فلم میں اصل حقائق کو اجاگرکیا گیا ہے۔

جوہی چاؤلہ نے اپنے شوہرکو" ٹائم پاس" قراردے دیا

فلمی کریئر میں سب سے زیادہ کام کرنے کا مزا شاہ رخ خان اورعامر خان کے ساتھ آیا، اداکارہ فوٹو:فائل

ممبئی: بالی ووڈ انڈسٹری سے تین دہائیوں پر راج کرنے والی اداکارہ جوہی چاؤلہ کا کہنا ہے کہ ان کے شوہر جے مہتا ٹائم پاس ہیں۔
بالی ووڈ اداکارہ نے سماجی رابطے کی ویب سائٹ ٹوئٹر پر بالی ووڈ اداکارہ سے مداح کی جانب سے پوچھا گیا کہ وہ اپنے شوہر”جے مہتا” کے بارے میں کچھ بتائیں تواداکارہ نے مزاحیہ اندازمیں کہا کہ وہ توٹائم پاس ہیں۔ اداکاری کے حوالے انہوں نے کہا کہ اداکاری کی طرف انہیں آنا نہیں تھا یہ قسمت میں لکھی تھی۔ اداکارہ سے جب شوخ و چنچل رہنے کی وجہ پوچھی گئی توان کا کہنا تھا کہ وہ اس فن کو برقراررکھتی ہیں۔

جوہی نے کہا کہ انہوں نے بالی ووڈ کے کنگ شاہ رخ خان کے ساتھ متعدد فلموں میں کام کیا جن میں ” ڈر، ڈپلیکیٹ، رام جانے، پھر بھی دل ہے ہندوستانی اور یس باس” وغیرہ شامل ہیں لیکن ان کی بہترین پسندیدہ فلم “انداز اپنا اپنا” ہے.
اداکارہ نے کہا کہ فلمی کریئر میں سب سے زیادہ کام کرنے کا مزا شاہ رخ خان اورعامر خان کے ساتھ آیا جب کہ سلمان خان کے حوالے سے جب ان سے پوچھا گیا تو ان کا کہنا تھا کہ خواہش ہے کہ دبنگ خان کے ساتھ کامیڈی فلم کروں۔
واضح رہے کہ اداکارہ نے جے مہتا سے شادی 1995 میں کی تھی اور ان کے 2 بچے بھی ہیں۔