ٹیڈ کروز کے دستبردارہونے کے بعد ڈونلڈ ٹرمپ مضبوط ترین ری پبلکن امیدوار بن گئے۔ فوٹو؛ فائل
غیر ملکی خبر رساں ادارکے مطابق امریکی ریاست انڈیانا میں صدارتی انتخابات کے لئے ہونے والی پارٹی رائے شماری میں ریپبلکن پارٹی کی جانب سے ڈونلڈ ٹرمپ نے ٹیڈ کروز کو جب کہ ڈیمو کریٹک پارٹی میں برنی سینڈرز نے ہلیری کلنٹن کو شکست دے دی۔
ریاست انڈیانا میں ہونے والی رائے شماری کے مطابق ڈونلڈ ٹرمپ کو 53.5 فیصد جب کہ ٹیڈ کروز کو 36.5 فیصد ووٹ پڑے، ڈونلڈ ٹرمپ کو اس وقت تک ایک 1053 مندوبین کی حمایت حاصل ہوچکی ہے۔ دوسری طرف برنی سینڈرز نے 52.3 فیصد ووٹ حاصل کر کے ہلیری کلنٹن کو اپ سیٹ شکست دی۔
ڈونلڈ ٹرمپ کے ہاتھوں شکست کے بعد ٹیڈ کروز نے دلبرداشتہ ہو کر صدارتی امیدوار کی دوڑ سے دستبردار ہونے کا اعلان کردیا۔ ان کا کہنا تھا کہ انہوں نے جو ہو سکا وہ کیا لیکن ووٹروں نے ایک اور راستے کا انتخاب کیا۔
No comments:
Post a Comment