کراچی: پاکستان تحریک انصاف کے چیرمین عمران خان کی سابق اہلیہ ریحام خان کی پروڈکشن میں بننے والی پہلی فلم’’جانان‘‘ کا ٹریلر ریلیزکردیا گیا جسے شائقین کی جانب سے بے حد پذیرائی مل رہی ہے۔
ریحام خان کی پروڈکشن میں بننے والی پہلی رومانوی فلم’’جانان‘‘میں علی رحمان خان،ارمینہ رانا خان ، بلال اشرف اور مشی خان نے مرکزی کردار ادا کیا ہے جب کہ ہدایت کاری کے فرائض اظفر جعفری نے سرانجام دیئے ہیں ۔ فلم کی کہانی پختون لڑکی کے گرد گھومتی ہے جوبرطانیہ سے اعلی تعلیم حاصل کر نے کے بعد وطن لوٹتی ہیں اورپھر دو بھائی اس کی محبت میں گرفتار ہوجاتے ہیں جب کہ فلم کا ٹریلرریلیز ہونے کے بعد شائقین کی جانب سے بے حد پسند کیا جارہا ہے جسے اب تک لاکھوں افراد دیکھ چکے ہیں۔
یہ بھی پڑھیں:عمران خان نے اپنی اہلیہ ریحام خان کو طلاق دیدی
دوسری جانب ریحام خان نے بھی شائقین کی جانب سے فلم کے ٹریلر کوپذیرائی ملنے کے بعد سماجی رابطے کی ویب سائٹ ٹوئٹرپر کہنا تھا کہ امید ہے کہ ملک میں نئے ٹیلنٹ کے لیے مواقع فراہم کیے جائیں گے جس کے لیے فلم ’’جانان‘‘ آغاز ہے۔
Thank you.Hopefully we can continue grooming young talent & give them opportunities to make films.Janaan is a start twitter.com/ghostprotocol2…
واضح رہے کہ فلم ’’جانان‘‘رواں سال عید الاضحی کے موقع پر نمائش کے لیے پیش کی جائے گی۔
No comments:
Post a Comment