کراچی(قدرت روزنامہ 09 جولائی 2016)فلاحی کاموں اور سادگی کی وجہ سے پاکستان کا نام دنیا بھر میں بلندکرنے والے عبدالستار ایدھی کو خراج تحسین پیش کرنے کے لئے شہر کی ایک مشہور شاہراہ بزرگ فلاحی رہنما کےنام سے منسوب کردی گئی ہے۔ڈیفنس ہاوٴسنگ اتھارٹی (ڈی ایچ اے) نے عبدالستار ایدھی کو انسانیت کے لئے گراں قدر خدمات انجام دینے پر فیز VIII میں واقع ایک طویل شاہراہ کو ان کے نام سے منسوب کرنے کا فیصلہ کیا ہے۔
ڈی ایچ اے حکام کے مطابق اس فیصلے کا مقصد ایدھی صاحب کی انسانیت کے لئے 50 برس سے بھی زائد عرصے پر محیط خدمات کا اعتراف کرنا ہے جو ہر قسم کے لسانی، نسلی، مذہبی یا علاقائی تعصب سے بے نیاز ہیں۔ڈی ایچ اے انتظامیہ کے مطابق ”بیچ ایوینیو“ کا نام تبدیل کر کے ”عبدالستار ایدھی ایوینیو“ رکھ دیا گیا ہے، یہ شاہراہ 5 کلومیٹر طویل ہے جو خیابان اتحاد سے دو دریا تک جاتی ہے۔
ایڈمنسٹریٹر ڈی ایچ اے بریگیڈیئر زبیر احمد کا کہنا ہے کہ ڈیفنس کی سب سے بڑی شاہراہ کو عبدالستار ایدھی کے نام سے منسوب کرنے کا فیصلہ 4 جولائی کو کیا گیا جب کہ عید کے بعد اس سلسلے میں باقاعدہ تقریب منعقد کی جائے گی۔عبدالستار ایدھی کے بیٹے اور ایدھی فاوٴنڈیشن کے سربراہ فیصل ایدھی نے اس فیصلے پر دلی مسرت کے ساتھ ساتھ اس خواہش کا اظہار بھی کیا کہ عوام عبدالستار ایدھی کے نقش قدم پر چلنے کی کوشش کریں گے -
No comments:
Post a Comment