ایم کیوایم نے سینئر ڈپٹی کنوینرعامر خان کوعہدے سے ہٹادیا، رابطہ کمیٹی کی رکنیت بھی ختم

عامر خان کو مستقبل میں کون ساعہدہ دیا جانا ہے اس کا فیصلہ پارٹی قیادت کرے گی، رابطہ کمیٹی۔ فوٹو: فائل

 کراچی: متحدہ قومی مومنٹ نے سینئر ڈپٹی کنوینر عامر خان کوعہدے سے ہٹاکر ان کی  رابطہ کمیٹی کی رکنیت بھی ختم کردی۔

ایکسپریس نیوز کے مطابق ایم کیو ایم کی رابطہ کمیٹی کا اجلاس خورشید بیگم میموریل ہال کراچی میں ہوا جس میں عامر خان کے حوالے سے ملنے والی مختلف شکایات پر ان کو پارٹی کے سینئر ڈپٹی کنوینر کے عہدے سے ہٹا دیا گیا جب کہ ان کی رابطہ کمیٹی کی رکنیت بھی ختم کردی گئی۔ عامر خان کو بتایا گیا کہ آپ کو کس عہدے پر رکھنا ہے اس کا فیصلہ پارٹی قیادت کرے گی۔

یہ خبر بھی پڑھیں: عامر خان کو بیرون ملک جانے کی اجازت مل گئی

اس کے علاوہ اجلاس میں مقامی سطح پر کام کرنے والے 5 اراکین کو رابطہ کمیٹی میں جب کہ 2 کو ایم کیو ایم کی سینٹرل ایگزیکٹو کمیٹی میں شامل کرنے کا فیصلہ بھی کیا گیا۔