چینی باشندہ اے ٹی ایم مشین کا ڈیٹا چوری کرتے ہوئے گرفتار

کراچی : کراچی میں ایف آئی اے نے کارروائی کے دوران چینی باشندے کو گرفتار کرلیا ہے۔

فیڈرل انویسٹی گیشن ایجنسی کے کرائم سرکل نے چینی شہری کو بینکوں کے اے ٹی ایم کا ڈیٹا چوری کرنے پر گرفتار کرلیا۔ ملزم کے خلاف مقدمہ درج کر لیا گیا ہے۔ ایف آئی اے کی جانب سے مزید تفتیش جا ری ہے۔ پولیس کے مطابق چینی باشندے نے نجی بینک کے اے ٹی ایم میں ڈیوائسز کے ذریعے صارفین کے خفیہ ڈیٹا کو چرانے کی کوشش کی۔

بینک انتظامیہ نے سی سی ٹی وی کیمرے کی ریکارڈنگ دیکھ کر یہ نوٹس کیا کہ دو غیر ملکی افراد معمول سے زیادہ دیر تک اے ٹی ایم کے اندر موجود ہیں، جس کے بعد انہیں ان پر شک ہوا۔ سی سی ٹی وی فوٹیج میں ان غیر ملکیوں کو اے ٹیم ایم کے قریب بعض آلات چھپاتے ہوئے بھی دیکھا گیا جس کے بعد انتظامیہ حرکت میں آگئی۔

بینک انتظامیہ اپنے تکنیکی عملے کے ساتھ اس برانچ کے اے ٹی ایم میں گئی اور ساتھ ہی ایف آئی اے کے سائبر کرائم سیل کو بھی اطلاع دی۔ ایف آئی اے نے ڈیوائسز اور وڈیو اپنی تحویل میں لے لیں تاکہ مزید کارروائی کرسکے