ہیٹ ویوکی پیشگی اطلا ع کے ساتھ ہی تمام رسپانس سینٹرز بحال کیے جائیں گے ۔ فوٹو : فائل
ان خیالات کا اظہار انھوں نے کمشنر دفتر میں ہو نے والے ہیٹ ویو سے بچاؤ کے اقدامات سے متعلق اعلیٰ سطح کے جائزہ اجلاس کی صدارت کرتے ہو ئے کیا،کمشنر کراچی نے ڈپٹی کمشنرز کو ہدایت دیتے ہو ئے کہا کہ یکم مئی سے شہر کے مختلف مقامات میں پا نی کی سبیلیں قائم کردی جائیں اور فیصلہ کیا گیا یہ سبیلیں3ماہ تک قائم رکھی جائیں گی، تجارتی مقامات پر تاجر وں کے تعاون سے بھی با زاروں میں سبیلیں لگائی جائیں گی اور ماہ رمضان کے دوران ہیٹ اسٹروک کے بچاؤ کیلیے قائم کردہ پانی کی سبیلیں ہیٹ اسٹروک سے متاثرہ افراد کو سہولتیں فراہم کرینگی۔
اجلاس میں یہ بھی فیصلہ کیا گیا کہ محکمہ مو سمیات کی جا نب سے ہیٹ ویوکی پیشگی اطلاع کے ساتھ کراچی انتظامیہ کے منصوبے کے مطابق شہر کے تمام فرسٹ رسپانس سینٹرز ہنگامی بنیادوں پر بحال کردیے جائیں گے،کمشنر کراچی نے ڈپٹی کمشنرز کو مزیدہدایت دیتے ہوئے کہا کہ ضلعی سطح پر قائم نجی اسپتالوں میں بھی سرکاری ملازمین اور متعلقہ ضلعی انتظامیہ کے ملا زمین کو فوکل پر سن تعینات کرنے کی بھی ہدایت دی تاکہ اداروں کے درمیان مضبوط روابط قائم رکھنے کے ساتھ ریلیف کے بر وقت انتظامات کرنے میں بھی آسانی ممکن ہو سکے گی۔
No comments:
Post a Comment